子靛拿著月曆，查詢自己什麼時候生日。
我把月曆翻到七月，「嗱，呢個二十五號啦，你就四歲啦。」
「咁媽咪呢，媽咪幾時生日呀？」
我心想（嘻，你問啱時候啦！）
「嗱，呢個係幾多號呀（指著今日）」我說。
「８號」答曰。
「仲有一，二，三，四，五，六日，呢日啦，就係媽咪生日啦！」
子靛大喜。想了一會。
「媽咪，不如我送晒d 玩具俾你啦！」
「哦！」我詑異。
「咁你買個d 新既比我啦！」
。。。原來係咁，呢個就係你送比我既心意。

幸福, 不過是當我看見哥哥細心地, 主動, 又專注地做一件事, 就是替妹妹摺起過長的衫袖.

看報章雜誌很多時提供兩幅相似圖畫, 然後叫你找不同, 記得我小時候很喜歡玩, 覺得能夠找出來很有滿足感, 現在跟子靛一起看, 便跟他一起玩, 看他能否找出來.

這個係藍色, 呢個是紫色．
呵! 係喎!
… 呢個有個煙囪，呢個冇煙囪．
呀，係喎！
呢度有集貓，呢度冇貓．
唔，真係叻！
呢度.. 呢度..
係係係!

講下講下，不覺間已經數了八樣不同，甚至有一樣是我都未找到他卻比我快．

呀，當我叫了十次你都不聽我的時候，你會否看到我的面色跟平常有什麼不同呢？

踏入九個月的第一個挑戰，就是病．芊芊九個月以來，除了出生首兩星期外，都吃全母乳，但小妮子長得細小，即使六個月後加入兩餐粥仔，都長得小小的，雖然手仔腳仔都很硬淨，卻總是小小的．
我在想，會否芊芊不夠飽呢？
心裏有點動搖，不如加點奶粉給她吧！
我帶著這個想法再觀察一回．

昨天，午餐及晚餐她都沒有胃口似的，吃了的都吐了出來，額頭有點熱，但沒有燒．除了母乳外，她甚麼都不願吃！
再晚一點，我見她好像不夠飽似的，融解了一包三安半的冰奶給她，可是，費了大半天的心機，她只吃了一安半，白白倒了兩安奶！
凌晨五時，她醒來，額上熱熱的，37.9度，微燒．吃了一次退燒藥．
今天，她吃的粥也是吐了出來，怕是喉嚨痛吧，我見她又似不飽似的，終於痕下心來，開了四罐奶粉商免費送贈的其中一罐奶粉給她，一開便是四安，看她願吃多少，結果，與昨晚一樣，花了大半天心機，只吃了一半，不過今次沒有那麼心痛，奶粉，倒了沒所謂，痛不入肉．

母乳的威力真大，記得她三四個月時，為了吃母乳，甚至可以做sit up 般的姿勢，今時今日，即使生病叫她不願吃，但母乳卻是她唯一願吃，且再多也不拒的食物，如果沒有母乳，這樣生病的日子，大概她會禁食吧．

九個月的芊芊，身子細小，卻會特別靈活，由躺下，轉身，再坐起身，再反身都可以，更可以爬數步，隨時找著任何東西都可以站起來，甚至可以扶著床仔行一兩步，這些小肌肉大肌肉都發展得比哥哥快，當然啦，哥哥昔日很長肉，重重的，所以要爬不容易．

哥哥依舊很喜歡跟妹妹玩，晚上爬在地墊上，我把芊芊騎在哥哥背上爬牛牛，哥哥一步緩速前行，兩口子笑得不亦樂乎；哥哥仍然願意替妹妹掉尿片，每一次都義不容辭，甚至是一條臭臭的屎片，都沒有推辭，這倒是我意料之外．有一次，哥哥叫我生個弟弟給妹妹，我問為什麼，他說要人陪妹妹玩；哥哥似乎清楚知道妹妹的出生是來給她玩伴，所以怕妹妹自己沒有玩伴，想不到他也會為妹妹想，真有哥哥風範，如果我有多一點勇氣，可能會嘗他心願也未可知呢！

當一包尿片用剩最後一塊；
當一件衣服褲管又短了一截；
當一抱上手發覺又重了零點零幾幾磅；

當你咀上噴著口水花；
當你咀巴胡言亂語叫爸媽；
當你手仔亂抓亂碰卻拍手；
又當你手仔上搖下擺卻請請；
當你在床仔碌上碌下要轉身；
又當你在床仔抓著抓著要企身；

啊妹妹呀妹妹，怎樣知道你大了？
廿年卅年後今天，
你說明天嫁人了，我就知道你大了！

哥哥四十個月大，仍然咬字不正．

輝叔叔給他一個竹蜻蜓，
我：子靛，多謝輝叔叔啦！
靛：多謝飛叔叔．
我：唔係飛，係輝．
靛：（努力地，再慢慢地）多謝飛叔叔！
我：哈哈！

放學後，
靛：媽咪，班裏面都有個叫芊芊架？
我：係咩，咁佢係邊組架？
靛：佢係獅子組架！
我：哦係呀．
一會兒後．
我：咁你係咩組架
靛：麵包組．
我：哦！

隔了數天，
我：（終於忍不住好奇問）子靛，你係麵包組，點會芊芊係獅子組呢？獅子同麵包有什麼關係呢？
靛：…..（都唔知你問乜）
我：（想了又想）呀，我知啦，芊芊唔係獅子組，係芝士組，係咪呀？
靛：（理所當然地）係呀！
我：我明啦！！！！（哈哈，子靛把芝士讀成獅子，哈哈！）

八個月的你，
只要媽媽在身邊，靜靜地玩；
只要媽媽一離開，淒淒然哭；
只要媽媽又回來，悄悄又笑．

八個月的你，
只要哥哥跟你跑，咔咔咔笑；
只要哥哥peekapoo，彎彎彎腰；
只要哥哥嘩嘩嘩，拍拍拍手．

八個月的你，
只要爸爸彈結他，靜靜聽著；
只要爸爸唱啦啦，眼巴巴看；
只要爸爸抱入懷，徐徐挨著．

八個月的你，
又食粥仔，又食提子，又食包包，不過，最愛媽媽奶．
又愛媽媽，又愛爸爸，又愛pooh pooh，不過，最愛哥哥笑．
又愛扭抱，又愛扭計，又愛流口水，不過，最愛半夜四時吵醒你．
又愛坐bouncer ，又愛坐學行車，又愛坐搖馬，不過，最怕坐高椅．

八個月的你，四十一個月的哥哥，三百幾個月的我，四百幾個月的爹爹，
最愛床上鑽，
一起講故事，一起唱支歌，一家笑哈哈，彎了眼睛彎了咀巴，再彎腰，然後笑笑笑笑笑．
一笑到天明！

一晚．又是睡前．
靛：「媽咪牙，你係咪好錫我架？」
我：「你話呢？」
靛：（想了一想）「係呀。」
然後，你用雙手圈住我的脖子，說：「我都好錫你架！」

芊芊今天七個月大，時間過得真快！
接近六個月的時候，芊芊初嘗第一口糊仔，細細啖，細細啖，很有儀態；
糊仔份量隨著年日增至半碗，每次食到半飽，你便會把糊仔’poo’ 出來，有時甚至噴在我的面上，又會噴在自己面上，弄出一個花面貓來，叫我哭笑不得．
初嘗奶樽，你十分抗拒，四安的奶花了一小時才喝完，還要邊哭邊飲，你在抗議著，為何媽媽不見了？
及後你願意用奶樽，又只肯用那個矽膠質料的奶嘴，其它的一概不喝，最多罷喝！
多麼有性格，不肯妥協，像我！
現在食粥仔了，紅蘿蔔，豆腐，菠菜，粟米，蛋黃，魚肉，豬肉，都一一嘗過了，
不過，任粥仔煮得再香，你卻只肯吃半碗，準確一點來說，你只肯吃十分鐘，
十分鐘過後，你便哄過來我的胸膛，不是要用我的衣服來抺嘴，而是；要－吃－奶－！
所以，你的午餐是半碗粥，再飲奶；晚餐又是半碗粥，又飲奶；
你真有你的，，性格！！

你很像很懂事似的，有次抱你入哥哥房，見到哥哥在睡覺，你ah..ah.. ah..ah.. 似是要叫他起來跟你玩；你最愛的遊戲，便是跟哥哥玩peekapoo ，哥哥把紗巾蓋著你的頭，然後你慢慢地自己揭開紗巾，一見到哥哥那張臉，你便卡卡卡卡大笑了；哥哥駕車馳騁於走廊間，我抱你跟著哥哥跑，你又－－卡－－一聲，笑了，似是真的在跟哥哥追逐一樣，我在想，你第一個會說的字，會否是哥而不是媽呢？

你很大力啊，握在你手的東西，要是要拿走，非要大力一點不可；你最近愛玩的玩具，竟然是哥哥的豬仔車，有時哥哥撒野不讓你玩，你都要拿來玩；看著你倆一起玩耍，我覺得－－好熱鬧，這間屋子，多了你們兩個活寶貝，好熱鬧！

我培養了一個新習慣，就是替你揀衫，每次把你的衫一件一件拿出來，這件襯那件，粉紅色上衣襯紫色褲仔，或者黃色全身body 再加上粉紅色外套，這把你穿得整整齊齊，你便會散發小女孩的溫柔，呵，我酷愛你的媚態．

睡前，是子靛吐真言的時候．

靛：我同你做朋友丫！
我：好呀，咁你仲有同邊個做朋友呀？
靛：瑤瑤啦，約琳啦！
我：哦！（全是女仔？！）咁坤坤呢？
靛：坤坤幾日都同瑤瑤坐！（即係唔同我坐）
我：哦，咁佢都係朋友黎架麻，仲有晴晴啦，朗朗啦，藍藍啦，依珩啦，都係朋友黎架麻！
靛：佢地唔係K1 (校車）架噃！

這個話題完了，隔了一會，又轉話題．

我：你半夜可唔可以唔好走過來爹地媽咪床度瞓呢？
靛：（斬釘截鐵）唔可以！
我：咁你過來會吵醒爹地同妹妹喎，咁你可唔可以唔過來呢
靛：（斬釘截鐵）唔可以！
我：不如咁啦，如果你今晚半夜睡醒唔過來，聽朝早我給你一粒KAWAI 糖！（威迫利誘）
靛：（瞪眼，豎眉，口水流地）好呀！

這個話題完了，隔了一會，又轉話題．

我：咁你今日係學校玩了什麼呀？
靛：（想了一會）我好眼瞓呀，你唔好同我講野啦！